fbpx
 
  • Hjartað er kjarninn

    Hjartað er keisarinn

    Heitbindingin. Að heita sér. Að binda sig – eigin tilgangi. Heit bindingin límir saman hitann úr ljósinu, gleðina í ábyrgðinni og festuna í tilganginum.

    Hjartað er keisarinn – en hvað þýðir það? Það þýðir að hjartað ræður för, það slær á meðan orkan í líkamanum endist, hjartað dregst saman og þenst út og sendir hljóðbylgur og rafbylgjur með skilaboðum út í raforkukerfi líkamans og í sálina og í heiminn allan.

    Limirnir dansa eftir slagi hjartans og hver einasta fruma líkamans heyrir söng þess.

    Hjartað er keisarinn sem allt veit og öllu stjórnar. Hjartað afléttir öllum skuggum þegar það fær fullt slag­ rými; þá andvarpar það

    og víkur burtu streitunni eins og ekkert sé, býr til rými fyrir allt ljósið sitt. Því öll streita er aðþrengt hjarta – hjarta sem fær ekki að vera í friði.

    Við skilgreinum okkur upp á nýtt, segjum upp áskriftinni að málflutningi skortsins og fórnarlambsins og heitbindumst nýju hlutverki í lífinu:

    Ég er erindreki ástarinnar, boðberi ljóssins.

    Mynd: Ragnheiður Arngrímsdóttir

    Um leið og við einbeitum okkur algerlega að ætlunarverkinu höfum við gert samning við hið heilaga. Á því augnabliki tekur alheimurinn okkur alvarlega og byrjar að vinna með okkur. Þegar þú lofar einhverju þá ertu ekki aðeins að heitbindast sjálfum þér og öðrum, heldur einnig að tengjast því heilaga, sameinast eigin orkulindum og styrkja tengslin við alla sem þú átt samskipti við.

    Rétt eins og verkstæði þúsundþjalasmiðsins, þangað sem hann mætir dag eftir dag með skýran tilgang og ást á fagi sínu. Rétt eins og sumar- bústaður fjölskyldunnar, þangað sem komið er til að upplifa annars konar rými en í daglegu lífi. Rétt eins og uppáhaldslautin í sveitinni, þangað sem þú ferð til að finna friðinn sem þú upp- lifir þegar þú tengist náttúrunni. Rétt eins og vinnustofa skáldsins, þangað sem það mætir dag eftir dag til að helga sig hinu ritaða orði.

    Heitbindingin er að skapa hjartanu heilagt og fullt rými sem hefur sér­ stakan tilgang. Rétt eins og kirkja eða musteri, þangað sem komið hafa tugir þúsunda einstaklinga með kærleiksríkan tilgang í auðmýkt og lotningu.

    Rými til að vera og leyfa stórfenglegum kraftaverkum að eiga sér stað. Rými fyrir allt sem er. Rými sem lýtur sérstökum lögmálum – rými með tilgang sem skilgreinir sláttinn, verkefnin, starfið, lífið.

    Við skiljum öll rými; skiljum öll staðfastan slátt hjartans og eðlislæga þörf þess fyrir samdrátt og útslátt. Það slær af öllum þeim krafti sem það á til, en dagleg höfnun takmarkar mátt þess. Við sníðum of þröngan stakk – því hjartað fær aldrei áfall nema við höfnum því, svíkjum það eða yfirgefum.

    Hjartað er keisarinn sem skynjar heiminn áður en skynfærin gera það, áður en heilinn nemur áreiti frá heiminum. Hjartað er keisarinn sem útvarpar tíðni til smæstu frumna líkamans, til samfélagsins, til heimsins og sendir skýr skilaboð um hvað við viljum.

    Hjartað vill það eitt að þú sért ást og velsæld. Hjartað er keisarinn.
    Hjartað er ljósið.
    Hjartað er allt sem er.