fbpx
 

Fáðu fræðslu eða fyrirlestur sérsniðinn að þínu fyrirtæki

Velgengni í rekstri fyrirtækja endurspeglar öðru fremur verðleika og heilbrigði þeirra sem þar starfa. Með því að hvetja og styðja starfsfólk okkar til að sinna eigin líkama og sál af alúð erum við því að huga að undirstöðu og framtíð fyrirtækja okkar.

Guðni Gunnarsson hefur mótað fyrirtækjanámskeið, ferla og umgjarðir þar sem er markvisst er unnið að því að veita starfsmönnum persónulega lífsráðgjöf til að efla þá í leik og starfi. Hvetja þá til reglubundinnar hug- og heilsuræktar. Heilrænt lífsmynstur, líkt og Rope Yoga byggir á hvetur starfsmenn m.a. til tómstundaiðkunar, símenntunar, heilræktar og hvíldar. Í þeim tilgangi að vitund þeirra um eigin verðleika sé nærð á öllum tímum.

Fyrirtæki sem með markvissum hætti hvetur og gefur starfsmönnum sínum færi á að kynnast vannýttum hæfileikum og efla líkamlega og andlega getu, er í raun að skapa þeim forsendur fyrir vellíðan og jafnvægi sem allt of margir fara á mis við í samtímanum. Fyrirtæki sem nærir starfsfólk sitt og eflir, eignast ekki aðeins trausta starfmenn; það laðar einnig að sér meðvitaða og dugandi samstarfsaðila á öllum sviðum, opnar möguleika á öflugri viðskiptum og skapar óvænt tækifæri í rekstri og samskiptum.

Yfirburðir stjórnunarkerfis fyrirtækis sem sinnir starfsmönnum sínum birtast í opnari og heiðarlegri samskiptum milli manna og aukinni ábyrgðartilfinningu, valfærni starfsfólks. Það hvetur starfsmenn til að vera vakandi, athugula, áhugasama og áhrifaríka. Vinnustaðurinn verður hvort tveggja í senn; skemmtilegur og skapandi.

Með því að hvetja starfsmenn okkar til að sýna sitt eðlislæga frumkvæði, þjálfa þá og efla til að taka ábyrgð á sér og frama sínum, erum við að virkja leiðtogann og skaparann í hverjum starfsmanni. Þannig fjölgum við starfsmönnum sem vilja halda tryggð við fyrirtækið. Fjarvistum fækkar og þeir njóta sín til fulls í starfi og hafa ómæld, gefandi áhrif á umhverfi sitt.

Hafðu samband til að fá frekari upplýsingar og verðtilboð